ഹൃദയത്തിൽ വേനൽ മൂടിയപ്പോൾ
മൗനത്തിലേക്കവൾ ഊളിയിട്ടു.
പക്ഷെ അവിടെയും കഥകൾ പറഞ്ഞവൾ വീർപ്പു മുട്ടിച്ചിരുന്നു.
മൗനത്തിലെ വാചലതയ്ക്കപ്പോൾ
വേനൽ മഴയുടെ കാത്തിരിപ്പിന്റത്ര നീളമുണ്ടായിരുന്നു.
കാത് കൂർപ്പിച്ചിരുന്നവർക്ക് മാത്രമവളെ കേൾക്കാൻ കഴിഞ്ഞു.
ആഴം അവളുടെ ലക്ഷ്യമേ ആയിരുന്നില്ല
പക്ഷെ, കാലത്തിനു കൊടുക്കാൻ പറ്റാത്ത കടപ്പാടവളിൽ നിശ്വാസത്തിന്റെ സംക്രമതാളങ്ങൾ കൊണ്ടവളിൽ ഭീതി നിറച്ചു.
നിശ്വാസത്തിന്റെ സംക്രമതാളങ്ങൾ മൗനത്തെ പോലും
അലോസരപ്പെടുത്തുന്നു.
നിശ്വാസത്തിന്റെ
സംക്രമതാളങ്ങൾ
കൊണ്ടലോസരമാകുന്ന
മൗനത്തിലെ വാചാലതകൾ.
മുൻഗാമികളാൽ
അനുഗ്രഹീതമായ
അഭീഷ്ണതകൾ
പലതും
കൈവഴികളായി
മാറിയൊഴുകി
എവിടെയൊക്കെയോ
വരണ്ടുണങ്ങിയിരിക്കുന്നു.
ഉറവിലെ നിറവ്
നാലാൾ കൂടുന്നിടത്ത്
ഊതിവീർപ്പിക്കാനുള്ള
അഭിമാനപട്ടം മാത്രമായിരുന്നു.
അല്പന്റെ കുടപിടിക്കൊരു
മാറ്റവുമില്ല.
No comments:
Post a Comment