ബസ്

ഇന്ന് രാവിലെ Ksrtc ബസിൽ യാത്ര ചെയ്യുമ്പോൾ രണ്ടു പണിക്കുപോകുന്ന ചേച്ചിമാർ തമ്മിലുള്ള സംഭാഷണം...

"എന്തായി ലോഡ് പോയോ?"

"ഇല്ല,എപ്പോ വേണേലും പണി പോവും!"

"അതെയോ!"

"ഉം,എന്താ അവിടുത്തെ അവസ്ഥ,കൂടുതൽ വല്ലതും കിട്ടുന്നുണ്ടോ?"

"എവിടെ കിട്ടാൻ,വെറുതെ വീട്ടിൽ ഇരുന്നാൽ ഇതും കിട്ടോ?,പിള്ളേരുടെ ഫീസ് അടച്ചു പോണ്ടേ?"

"ഹാ,എത്ര മണി വരേ ണ്ട് പണി?"

"കാലത്ത് 8 മണിക്ക് പോയാൽ 5 30ന്ന് വീടെത്താം"

"ഈ പണി പോയാൽ എനിക്ക് അവിടെ കിട്ടോ?😦"

"സരിതേനെ തന്നെ ഇപ്പൊ എടുത്തത് അവൾ നേരെത്തെ അവിടെ പണി ചെയ്തത് കൊണ്ടാ..😐"

"ഉം."

നീണ്ട മൗനം

പിന്നീട് ഞങ്ങൾ മൂന്നുപേരും ഇറങ്ങേണ്ട സ്റ്റോപ്പ് എത്തി...

ഒരു ചേച്ചി 3000 രൂപ മാസവരുമാനം കിട്ടുന്ന വെള്ള കമ്പനി ലക്ഷ്യമാക്കി നടന്നു...

മക്കൾക്ക് ഫീസ് അടക്കമുള്ള ചേച്ചി അടുത്ത ബസ് ഷെഡിലേക്ക് നടന്നു..
ഞാൻ എന്റെ കോളേജ് ബസിലും കയറി...